التظليل

 اول سؤال ممكن نساله لنفسنا ايه هو التظليل .. يعنى ايه تظليل ؟ التظليل هو تجسيد الجسم المراد رسمه واظهاره من خلال تدريج الطبقه اللونيه حسب قواعد الظل والضوء .. يعنى ايه نفترض اننا عندنا جسم عايزين نرسمه بشكل واقعى هنلاقى ان الجسم دا واقع تحت تاثيرات مختلفه - الظل والضوء - تفاصيل الجسم المراد رسمه الضوء هى افتح نقطه فى الجسم وهى اقرب نقطه لوقوع الضوء والظل هو اغمق نقطه وابعد نقطه عن وقوع الضوء وما بينهم هو التدريج اللونى سواءا كان بالرصاص او باي الخامات المختلفه نتكلم بشكل اوضح على الصور

النموذج الاول

عندنا الجسم دا وزى ما موضح بالصوره عندنا

- ضوء

- ظل ذاتى

- ظل ذاتى ساقط

- ظل

منطقه الضوء وزى ما قولنا هى اقرب منطقه لوقوع الضوء واقرب منطقه للضوء

عكسها تماما هى منطقه الظل الذاتى وزى ما موضح بالنموذج بعدها عن منطقه الضوء لاتخاذها اتجاه معاكس

هنلاحظ بالنموذج المسافه بين منطقه الضوء ومنطقه الظل مساحه تدريجيه من الفاتح للغامق تدريجيا بانسيابيه (( انسيابيه هناا ان مفيش قطع فى الدرجات ودا لان الجسم نفسه جسم منحنى متصل بانسيابيه ودا بيخلينا محتاجين نجسده بنفس الانسايبيه فى التدريج ))

الظل الذاتى الساقط هو ظل واقع بمحيط الجسم نتيجه تجويف او تغيرات فى الجسم المرسوم نفسه فبنتعامل معاها بتظليل خاص بيها كجزء منفصل

كمثال الانف او تفاصيل الوجه الصغيره زى المنطقه اعلى الدقن واعلى الشفايف احيانا بعض الرسامين يهملوا لانها اجزاء صغيره او ادراكها مش كامل لكن هى جزء واقع له تفاصيله الخاصه به

الظل وهو ظل الجشم نفسه والواقع على القاعده او السطح الحامل للجسم المراد رسمه

نموذج اخر للتوضيح اكثر

بقعه الضوء او نقطه الضوء وهى مرركز اصطدام شعاع الضوء بالجسم فنلاقى بعض الرسامين يسال عن اللمعه او نقطه اللمعان هى بقعه الضوء هى نقطه اللمعان بتعريفها وبقعد الضوء بتاخد شكل الجسم يعنى لو هنرسم كره فتكون بقعه الضوء نقطه لانك لو بيت على الكره هتلاقى مركز بروز الكره بتمثل فى نقطه اعلى نقطه بالجسم وهتكون دى مركز اصطدام الضوء بالجسم واول نقطه يوصل لها الضوء ثم يبداء بالتشعب والانتشار فى محيطها كامل فالدائره ينتشر فيها الضوء بشكل دائرى بمساحتها المفتوحه لكن لو جشم اسطوانى ينتشر الضوء كمان بشكل متناسب مع الجسم فياخد شكل طولى لان نقطه البروز كمان هتكون طوليه لو مربع هيكون الانتشار بزاويه او مباشر حسب اتجاه الضوء ومصدره لان الجسم هنا مختلف مفيش نقطه بروز حاده لان الجسم نفسه مسطح فاصطدام الضوء هيكون بمساحه الجسم 

وتطبيق على ما سبق ذكره

هنلاحظ هنا تظليل الاجسام واسلوب التظليل واتجاه الضوء والظل ونطبقه على ما سبق شرحه

فين الضوءهنلاقى ان افتح منطقه هى المنطقه المقابله للزاويه اليمين من الاعلى ونلاحظ تالتدريج زى ما شرحنا ونقدر نشوف الفرق فى التظليل بين الاجسام المختلفه ونطبقه على اللى ذكرناه

طب ازاى نطبق دا على البوتريه

هنبص فى الصوره ونبداء نحلل تفاصيلها بشكل مبسط اوى

اولا نحدد فين الضوء وفين مصدره

انا بغششكم وعملت الاسهم

نركز على اليمين شويه هنلاقى ظل الشعر واقع على الوجه دا بيدى تاثير واقعيه الحركه فاالظل عمل فارق بين الشعر والوجه

الانف لو ركزنا فى الصوره هنلاقى ظل خفيف واقع من الانف على المحيط يمين وشمال تظليل الانف هنا خفيف ودا بسبب وقوع الضوء المباشر على الوجه فى حالات مختلفه بيكون التظليل اوضح حسب وقوع الضوء وجهتة

لو بصينا على الخد هنلاقىبروز الخد عمل ظل غامق على ما خلفه وهنا لانه حجب الضوء لان الضوء مقابل مباشر للوجه فاصبح كلتا جانبين الوجه محجوبين عن الضوء جزئيا فى مناطق البروز بنلاقي انه بدء ينتشر تانى من اسفل الخد

كمنا نقدر نشوف ونتامل تفاصيل التخطيط فى الشعر هنلاقى وقوع الظلال لخصل الشعر ودا بيدى واقعيه الحركه للشعر كخصل متساقطه ومرتبطه ببعضها

جزء جميل جدا

هنبض للرفبه هنلاقيها اخدت مساحه من الظل

رغم ان الصوره مش مواضحه بالتظليل بشكل كافى الا انها الافضل اننا نقدر نحلل الدرجات المستخدمه لبساطه الاسلوب فيها

كده كده اتكلمنا عن التظليل والظل والضوء واحنا اساسا متكلمناش عن التظليل

ازاى نظلل فى البدايه

فى التظليل عندنا طرق واساليب كتير جدا نقدر نقول ان كل رسام بيشوف نفسه مبدع شويه بيعمل اسلوب تظليل خاص بيه

بس عندنا اساليب معينه هى الاساسيه

1- التهشير

التهشير هو التظليل من خلال خطوط متوازيه وملتصقه ببعضها زى الجزء الاول من الصوره طبعا لازم تكون الخطوط متلاصقه ببعضها لان من الخطا وجود فراغات بين الخطوط ونوزيع تدريجات الطبقه اللونيه حسب تفاصيل الجسم

ونوع تانى من التهشير هو التقاطع ودا انى باخد طبقتين او اكثر فوق بعض فى اتجاهات عكسيه زى حرف x

النوع التانى هو التظليل بالدوائر وهى النموذج فى المنتصف وهو عباره عن التظيليل من خلال دوائر صغيره بتزيد ونقل حسب الظل والضوء ومراعاه الدرجه اللونيه

الاسلوب الثالث هو التنقيط

وهو التظليل باستخدام بالتتنقيط بتوزيع التنقيط حسب الاساسيات المتعارف عليها وفى اقلام مخصصه للتنقيط

دا كمان اسلوب بيعتمد التظليل فيه على محيط الشكل وان تكون خطوط التظليل فى اتجاه موزاى مع الجسم المرسوم بمعنى ان لو برسم خصله شعر يكون التظليل فى اتجاه الخصله نفسها او فى اتجاه تشكيل الجسم نفسه

نموذج من طرق التظليل مع توضيح درجات الاقلام وتاثيرها

التهشير

التهشير المزدوج

طرق مختلفه للتظليل

تاثير القلم

اتكلمنا فى السابق عن درجات الرصاص وعرفنا ان الرصاص 18 درجه وبنوزع الدرجات من غامق لفاتح حسب الدرجه اللى محتاجينها

طب تعرفوا ان من السهل انك ترسم بورتريه وتوزع درجاته بقلم واحد وتستخرج من قلم واحد عدد من الدرجات ..

الموضوع ببساطه ان كل قلم بيحتوى على عدد من الدرجات دا تمرين بيساعدك انك تتمرن على استخراج الدرجات دى وبكده انتا بيكون متاح ليك عدد كبير جدا من الدرجات وهنا مش بس الفايده انك ترسم بقلم واحد لا الاساس هنا انك توحد الدرجات يعنى لو بترسم بدرجه بترسم بشره غامقه وعايزه تعمل اضاءه بتحتاج انك تعمل تدريج بدرجه غامقه انك توصل للاضاءه مع الدرجه الغامقه ودا هيفيدك كمان فى دمج الدرجات عشان تخرج بتدريج انسابى زى ما اتكلمنا وقولنا انسيابيه التدريج

التمرين دا عباره عن ورقه تقسمها مربعات صغيره وتبدء تظلل المربعات دى بشكل كويس ومتناسق وتحاول تظلل كل مربع منهم بدرجه مختلفه من نفس القلم وكمان تحاول انك تظلل فى اتجاهات مختلفه يعنى كمثال انك ظللت المربع الاول من اليمين للشمال فتظلل مربع تانى من الشمال لليمين ومربع تانى من فوق لتحت والعكس فى مربع اخر وكمان ممكن تظلل فى اتجاه دائرى او اسطوانى او حلزونى طب دا هيفيدنى بايه دا هيفيدنى انى اتمرن على التحكم بالقلم فى كل االاتجاهات

دا نموذج تشريحى لجمجمه قبل وبعد التكوين

بالنسبه للناس اللى مبتحبش ترسم الجماجم عايز اقولهم مرحب يا جماجم

فى النموذج هنا هنتعرف بشكل سريع وبسيط اوى على الجمجمه قبل وبعد التكوين

ابنظره سريعه هنلاحظ الاجزاء البارزه زى الجبهه والخد ودول بيكون غالبا مناطق ضوء فى الوجه عكس العيون والاجزاء حول الفك

وتشريح الجمجمه من النقاط المفيده جدا فى التعرف على التشريح الصحيح للوجه

نبص هنا بقا عشان نتبين اكتر من نقاط معينه

تشكيل العين نقطه هامه عشان نتفهم خروج العين وارتباطها بالجبهه

نقطه هامه كمان فى التشريح هو الجزء بدايه الجبهه اعلى تجويف العين وبتكو عظمه بارزه نوعا ما عن مستوى الجبهه فى الرسم الاحترافى نقدر بسهوله نلاحظ وجود مساحه ضوء اعلى الحاجب واسفل الجبه كتير مننا وان كان بينفذها اثناء العمل الا انى احيانا بكتشفانه مجرد تقليد الموضوع فى غايه البساطه وهو التعريف على تفاصيل الجزء المطلوب .. فى تشكيل الجمجمه بيكون الجزء دا من الاجزاء الواضحه لكن بيضعف ظهوره بعد فى الطبقه الخارجيه

نتعرف كمان على تفاصيل الخد والجبهه والدقن

نموذج مختلف للتشريح يوضحلنا تقسيم الوجه ودا هفيد فى التظليل جدا

نموذج للوجه بوضعيات مختلفه

نقدر من خلال النماذج التعرف على التشريح بشكل ابسط وتاثير الضوء على الجسم والظل والضوء زى ما تم ذكرهم

اختصارا لما قيل

دى صوره فوتوغرافيه هنطبق عليها نظريه التشريح جزئيا

دا تشويه سريع اقصد تقسيم سريع بالكمبيوتر

الدائره وامتدادها زى ما شرحنا فى التخطيط فى الجزء الاول

تقسيم الجبهه وبنفس التقسيم ممكن تكمله على باقى الوجه لانه بيحدد دوران الوجه من الجانبين

تشريح الخد والانف والدقن

ودا بورتريه بوضعيات مختلفه تقدروا تطبقوا عليه الاساسيات المذكوره

مع تحياتى 

بسام الفخرانى