تخطيط الوجه

 من الخطوات الاساسيه فى الرسم عنصر التخطيط التخطيط هو الخطوه الاولى فى اى عمل فنى وعليه بيتم بناء العمل الفنى بسلاسه

الوجه

تخطيط الوجه يعتمد على نسب اساسيه متعارف عليه وليست ثابته بل هى نسب متغيره حسب الوجه وتفاصيله

القاعده الاساسيه او المساحه الاساسيه لتنظيم وتقسيم الوجه هى العين

وهى المساحه المرتبطه وبيتم عليها تحديد مساحات الملامح كافه

فى الصوره تم تقسيم الوجه طوليا الى 3 اجزاء اساسيه

1- الجبهه

2 - من اعلى العين حتى اسفل الانف .. ويتم تقسيم هذا الجزء الى نصفين الاول مساحه خاصه للعين والحاجب والثانيه مساحه الانف

3- من اسفل الانف حتى نهايه الوجه او الدقن .. ويتم تقسيمها لجزئين الاول الفم والثانى للدقن

----------

من جهه اخرى تم تقسيم الوجه الى خمس اجزاء

العينين ومساحه الانف بينهم والجانبين المساحه من نهايه العين وحتى الاذن

وهنا نقدر نتعرف على مساحات االملامح بحجم العين

العين تساوى العين (( العيون بتكون دائما نفس الحجم والمساحه ))

الانف تساوى عين (( مساحه الانف بتكون بنفس مساحه العين ويتم تحديدها من بدايه العين لبدايه العين ااخرى

طول الانف 2 عين من الحاجب وحتى نهايتها

هنا تجربه وتطبيق عملى على الصوره الاولى

صوره عاديه ولوجه معروف وقممنا بتقسيمه حسب الخطوات الاولى وهنلاقى ان النسب وضحت بالتقسيم مع الاختلاف فى جزء واحد وهو الشفايف لان الشفه نفسها منتفخه ودا واضح

بدايه العمل

التقسيم السليم

1- فى بدايه العمل نقوم بوضع خط المنتصف ودا خط طولى بيقسم الوجه زى ما موضح بالصوره

2- من خلال الخط الطولى ابدء اوزع المساحات الاوليه بتحديد مساحه الانف حسب حجم العين ويتم تقسيم المساحه يمينا ويسارا بالتساوى وبعدها اقدر احدد مساحه العين ولتبسيط العمل

3- بنفس الخطوات زى ما تم ذكرها فى الصور السابقه بقوم بتحديد بدايه ونهايه الفم (( حجم الفم بيكون من ثلث العين حتى ثلث العين الثانيه او من منتصف العين حتى منتصف العين الثانيه

4- تحديد الاذن وتبداء الاذن مع بدايه العين وليس الحاجب وتنتتهى مع نهايه الانف

5- تحديد الدقن بناءا على مساحه الفم ونقدر بعد كده نسكتمل تخطيط الوجه من خلال التوصيل بين الملامح الخارجيه

هنا هنتكلم عن نقطتين

الاولى الراس

الراس غالبا بتكون بشكل كروى ينتهى اسفل الانف

فى الصور السابقه احنا حددنا الخطوات لتخطيط الوجه من الاسفل ممكن بكل بساطه استكمال التخطيط وعمل الراس من خلال التوصيل على بشكل دائرى نقدر من خلاله توزيع الشعر فى مساحه منتصفه العلوى

الفرق بين الوجه الذكورى والوجه الاناثى

فى فرق ملحوظ بين جسم الرجل وجسم المراه وجه الرجل ووجه المراه ودا ممكن نلاحظه فى الصوره .. هنلاقى جمجمه الرجل اكثر غلظه من جمجمه المراه اللى نلاحظ عليها المرونه اكثر وكمان نقدر نميزه فى تخطيط الملامح ملامح الرجل بتكون اكثر حده من المراه

الصوره هنا بتوضح الفرق بين وجه الطفل ووجه الرجل ونقدر نلاحظ فيه الفرق فى حده التفاصيل

هنا الصوره بتناقش نقطتين

الاول مراحل نمو الوجه ووبنلاحظ فى الصوره زياده التفاصيل وحدتها المتزايده مع كل مرحله

النقطه الثانيه بتوضح الفرق بين البروفايل الجانبى والبروفايل الامامى او المباشر

عشان نتكلم عن وضعيات الوجه هنتكلم الاول عن تكوين

ببساطه جدا هنلاقى ان الوجه عباره عن دائره ومنها بناخد امتداد للاسفل

الدائره فى الوجه هى الراس من الاعلى وحتى نهايه الفم يعنى ثلثين الوجه

ومنها بناخد امتداد حتى نهايه الدقن ولو تمعنا فى الجزء الممتد الى الدقن هنلاحظ ان امتداد حرفيا من محيط الدايره فنلاقى ان بضغر تلقائيا مع القتراب من الدقن لحد ما ينتهى بالمساحه الخاصه بالدقن

الامتداد بيكون من مقابل العين وبياخد الشكل المتعارف عليه حتى الدقن

وضعيات الوجه

فى الصوره هنلاقى توضييح جميل لوضعيات الوجه الرسام وضع الخطوط المساعده بسشكل متواصل ومن خلالها بدء بوضع الملامح مع تغير الوضعيات للوجه فى زاويه واحده وبسهوله قدر ان يتحكم فى اكتر من وضعيه للوجه

هنلاحظ فى الجزء الاولى البروفايل الجانبى كبدايه وهنا النصف اليمين من الوجه هو المسيطر على المساحه الكليه للصوره فى الخطوه التانيه بدء يدى مساحه للجانب الايسر كمان مساحه صغيره ثم مساحه اكبر ثم مساحه اكبر لحد ما توصل للبروفايل الامامى والوجه المباشر تكون المساحات متساويه

والجزء التانى نفس الخطوات مع الاختلاف فى الزاويه

هنوضح اكتر على البورتريه القادم 

دا بورتريه

هننظر لزاويه التصوير زاويه التصوير هنا على الشمال او على يمين السيده بافتراض انها صوره حقيقيه فنلاقى مساحه الجانب الايمن للوجه هى المساحه الاكبر مش بس فى الوجه لا كمان هى المساحه الاكبر للملامح كمان وهنا زاويه التصوير او محيط الرؤيه هو المتحكم بالنسبه لى هنا الملامح فى كامل ضوحها واقدر من خلالها اتحرك بالوجه يمين وشمال فاقدر اصوره او ارسمه باكتر من وضعيه

زى ما قولنا اننا عشان نبسط على نفسنا تقسيم الوجه بنعمل خط طولى يقسم الوجه لنصفين .. بس دا كان على بروفايل مباشر

قولنا كمان ان الوجه عباره عن دائره وبها امتداد فلو جينا نقسم الدائره من الامام هنقسمها بخط مباشر بس لو حركنا الجسم هنلاقى ان المكان اللى قسمنا منه بيتحرك وبيتشكل حسب شكل الجسم

هات بطيخه واقسمها وهى قدامك وبعد كده حركها يمين وشمال وفوق وتحت هنلاقى ان الخط تاثير القطع بيتشكل حسب شكل الجسم

الوجه كمان نفسس الوضع يعنى لما تيجى ترسم وضعيه مختلفه بتكون محتاج تقسيم الوجه حسب تشكيل الوجه طبعا مع مراعاه زاويه المشاهد والقرب والبعد وعليها نبدء برسم ملامح الوجه حسب توزيعها بعد التقسيم اللى شرحناه فى البدايه 

وهنا بنوضح شكل من اشكال تقسيم الوجه ووضعيات مختلفه

فى فرق بين ميول الوجه يعنى الوجه مباشر بس بزاويه ميل شويه زى الصوره كده

هى كانت بتتصور عادى بس قالت تتدلع شويه فعملت نسبه ميل للوجه المباشر وهنا احنا خدنا التقسيم العادى بتاعنا بس بمراعاه زاويه الميل اللى اصبحت جزء اساسى للوجه لانها هتسيطر على كل تفاصيل الوجه فنلاقى الفم فيه زاويه ميل والعيون فيه نفس الميل والانف حتى الدقن

هنيجى هنا هنلاقى وضعية الوجه نفسها متغيره فنتعامل معاها زى ما اتفقنا وقولنا فى الصور السابقه بتقسيم الوجه ومراعاه تشكيله فنلاقى ان خط المنتصف هنا اخد شكل مقوس وكمان الخطوط العرضيه اخد نفس الشكل

وهنا وضعيه اخرى مختلفه

وهنا وضعيه اخرى مختلفه

طب ازاى اتحكم فى الوضعيات المختلفه

هنا الصوره بتوضحلك ازاى تتعامل مع الوضعيات المختلفه حسب زاويه الرؤيه واختلافها باعتمادك على الخطوات الاساسيه اللى ذكرناها

مع تحياتى 

بسام الفخرانى